Bul toı basqa toıdan ózgerek boldy. Shablan Dildábekov aýyldyq okrýginde Astana kúnine oraı, Sh. Dildábekov aýyldyq okrýgi Mádenıet Úıiniń uıymdastyrýymen «Asqaqtaı ber, Astana!» taqyrybynda ǵalamat kesh bolyp ótti.
Keshke aýdan ákiminiń orynbasary Maqsat Joldasbekov, aýdandyq ishki sayasat jáne tilderdi damytý bóliminiń basshysy Perdesh Esenbekov jáne aýyl ákimi Náljan Ábdiraıym qatysyp aýyl xalqyn elimizdiń ortaq merekesimen quttyqtady. Keshte mádenıet úyiniń ónerpazdarymen birge sheshen, ázirbayjan, tájik ultynyń ókilderi de án aytyp, bı bılep, kópshiliktiń kóńilin kóterip tastady. Kesh sońy merekelik ot shashýǵa ulasty. Aýyl xalqyna kóńildi kesh syılaı bilgen Shablan Dildábekov mádenıet úyiniń qyzmetkerleri men basshysy Botakóz Shablanqyzyna jergilikti turǵyndar óz alǵystaryn bildirip, aq batasyn berdi. Týǵan kúnińmen Astana!