Syńǵyrla, sońǵy qońyraý!

Búgin keń-baıtaq Otanymyzdyń barlyq óńirlerindegi bilim uıalarynda kúmis qońyraýdyń syńǵyry estilip, jurtshylyq túlekterge sát sapar tiledi. On birinshi synypty bitirýshiler ómirge joldama alyp jatsa, mektep tabaldyryǵyn ótken jyly alǵash attaǵan búldirshinder bir satyǵa kóterilip, ata-ananyń, ustazdar qaýymynyń kóz qýanyshyna aınaldy.

Sońǵy qońyraý bastalǵan kezdegi úsh tolqyn urpaqtyń: ata-analar men ustazdardyń, oqýshylardyń júzderindegi alaýlaǵan shattyqty, kózderindegi shýaq­ty nurdy, kóńilderindegi alaburtqan sezimdi kórgende, kimniń de bolsa jan dúnıesi tolqymaı tura almaıdy. Ási­rese, táýelsiz elimizdiń Ánuranyn aıt­qan­da, sarbazdaı sap túzep turǵan oqý­shy­lar, onyń ishinde bastaýysh synyp búl­­dir­shinderi oń qoldaryn júrek tusy­na qoıyp, Ánurannyń sózi men áýenin ásem únd­erimen áýelete aıtqanda, kók aspan astyn keremet bir tolqyn kernep ketkeni anyq. Osydan bolý kerek, atam qazaqtyń qýanyshty sátti «Úlkeniniń myńyna ber­genshe, balanyń birine ber» deıtini. Tipti, sol tusta «Baǵalaı bilý, eń áýeli ózimizdi qadirleı bilý» (A.Baıtursynuly) úlgisin ul men qyz aıqyn kórsetip turdy.
This entry was posted in Jańalyqtar. Bookmark the permalink.

Leave a Reply

Your email address will not be published. Required fields are marked *